Gasteboek

Los gerus 'n bookdskap in my gasteboek.

ben.lottering@chubb.co.za

Beste Sonja & Mike - Baie dankie weereens vir julle teenwoordigheid op ons troue 22 Oktober 2011. Dit was werklik vir ons n amazing ondervinding, en sal die oomblik vir altyd koester in ons harte. Baie dankie vir die feit dat julle twee die prentjie vir ons so mooi ingekleur het op ons troue. Al die gaste praat nogsteeds van die troue, en natuurlik Sonja Herholdt. Baie dankie, God se rykste seën word julle toegewens!

Desireé Roux Olivier

Hi Sonja,
Dankie vir gisteraand se motiverings geselsie oor die vrou. Dit het 'n hernude saadjie van opwinding geplant binne my. Dis ongelooflik hoe Jesus se "timing" altyd net perfek is vir wanneer jy nodig het om weer pitkos vir die gees te kry.....Deur na jou storie/lewensvervaring te luister het ek weereens besef daar is nie 'n pad wat ons stap sonder Jesus wat elke tree saam stap al verdwaal ons soms nie, en dat daar ander vroue is wat ook deur dieselfde uitdagings blootgestel word. Dit was heerlik om jou te ontmoet, jy is werklik 'n mense mensie. Liefdegroete, D

SUSAN6

Hi Sonja
My naam is Susan, 43 jaar oud, en van kleins af het jy vir my die mooiste soetste stem gehad. Ek het die eer gehad om jou gisteraand 28 Oktober 2011 by Voorbrand te ontmoet, en een van my drome het waar geword. Jy is vir my nog net so pragtig soos altyd. Gisteraand se boodskap wat jy gebring het, het vir my baie beteken en dit was so van toepassing in my eie lewe. Baie kere keer gaan daar soveel van mens se jare verlore voordat jy jouself regtig vind en besef dat jy ook waarde in die lewe het. Ek het jare die fout gemaak om altyd ander mene te "please" anders voel ek nie goed genoeg nie. Ek ken die Here ook my hele lewe lank, maar het eers verlede jaar deur middel van 'n kamp vir vroue my Jesus regtig gevind en besef ek kon al die dinge wat pla lankal al vir Hom gegee het. Dankie vir die pragtige mens wat jy is en jy het regtig 'n groot indruk gemaak, jy is net soos ek my van kleins af voorgestel het. Ek het altyd na jou verwys as die feetjie vrou, want jy is so pragtig. Hou aan met wat jy doen want jy is regtig 'n geskenk van bo. Groete en baie liefde in Jesus. Susan da Silva

Ansie Potgieter

Hi Sonja,
Ek is 36j vrou van pretoria, ek kanie glo nou op my ouderdom kan ek nou uiteindelik kontak met jou he nie.
vandat ek maar nog op laerskool was, wou ek nog altyd jy gewees het en ek wou ook sing omdat ek geglo het ek kan soos jy wees, hahahaha maar nou ja ek het tou nou nie n sangeres geword nie maar tot op die dag is ek nog net so mal oor jou soos jare trug, en kan jy glo ek het tot dat my ma my hare
(wat daardie tyd tot op my boude gehang het)sny in die styl wat joune was, ek wou soos jy lyk maak nie saak wat ek moes doen nie.
ek hoop jy sal vir my n briefie trug skryf, dit sou so nice wees om vir my kids te wys dat jy vi my geskryf het.
groete en dankie Ansie Potgieter

Linda Fouche

Sonja,
Wanneer kom jou kinder CD uit? Ek sien so uit na dit. Jy is 'n inspirasie vir my/
Lekker dag!
Linda

mpienaar

Hallo Sonja!

Sien so uit na jou shows hier in die mooiste Kaap weer! Ons sien jou op Stellenbosch en by die Boer in Durbanville! Reis veilig! MARTIN.

Hugo

Hi Sonja; ek volg jou loopbaan nou al vir jare en jy is net eenvoudig alle kunstenaars jare vooruit. Van waar jy was tot waar jy nou is, is dit net ongelooflik hoe jy altyd die leiding neem. Van jou treffers; tot Sing vir die Harlekyn (fliek wat die rasse kwessie teen daardie tyd al goed aangeraak het) tot Reconstructing Alice tot Meisie van Nigel en nou jou inspirasie vertonings vir vroue. Vreemd dat as jy iets nuuts begin dat almal jou dit navolg. Jy is en bly die beste van die bestes!!!
Hugo

Veronica Roets

Sonja ek wil net vir jou dankie se vir die inspirasie wat jy is, nag God nou net na hoer hoogtes toe neem.

Nina Pretorius

Liewe Sonja,
Ek het sopas jou biografie klaar gelees!!! Mensig ek moet sê, die boek het my gebind, ek kon hom eenvoudig nie neersit nie!! Jy is al omtrend deur die was! 'n paar keer, en elke keer staan jy net weer op. Dit gaan my definitief in die toekoms help, want daar is baie dae wat ek net in die bed wil bly met my kop toe, dat ek nie kans sien vir alles nie. Jou boek het my geleer dat ons vrouens gee nie op nie, maak nie saak hoe moeilik dit soms is nie. En vir dit wil ek jou bedank. Jy is pragtig en 'n ware pêrel.
Baie dankie

Nina

Hantie

Hallo Sonja
Ek en 'n vriendin het met baie trane en lekker lag, jou inspirasie praatjie baie geniet hier in Kemptonpark by die NG kerk Hoogland. Ek sien jou as 'n perfeksionis wat regtig moeite doen met jou vertonings en nog meer moeite doen om die hart van 'n vrou te raak. Die mooiste deel van die vertoning was toe jy jou "outfit" gedra het oor borskanker en ons laat lag het, maar nog meer toe twee baie ou tannetjies voor in die ry my aandag getrek het. Hulle het so lekker gelag en gedeel aan alle opwinding, ek dink hulle is vandag met ou liggame daar weg,maar met nuwe gees en vrouwees. Dit was wonderlik om te sien hoe hulle straal. Ek glo Jesus het vir elke vrou 'n plekkie in die samelewing en na jou motivering vandag weet ek dat Jesus in elke vrou se hart ook is, ons hoef net te glo en vertrou ons is spesiaal vir hom. Dankie vir jou omgee en geloof in ons as vroue.
Groete
Hantie

isabelcoetzee

Middag Sonja baie dankie vir jou wonderlike praatjie wat jy gelewer het by die funskie van die Suid Afrikaanse Vroue Federasie te Kasteel Elsburg op die 13de Augustus 2011. Ek is ook werksaam by die Savf in Vanderbijlpark. Dit is so wonderlik om te weet daar is iemand soos jy wat ons weer die motivering kan gee om vrou te kan wees. Ons verloor onsself so met die tyd en voel dan nutteloos. Met die Krag van Ons Groot Vader en 'n wonderlike persoon soos jy kan en wil ons net weer opstaan en aangaan met die lewe.

Nogmaals dankie

Net die mooiste en beste word jou toegewens .

Groete
Isabel Coetzee
SAVF Vanderbijlpark

Gerhardt

Hi Sonja,
Ek het ook Pasella gekyk en dit baie geniet om weer iets van jou te sien en hoor.
Ek is seker jou nommer een bewonderaar en ons is in die selfde jaar gebore
Baie groete en voorspoed aan jou en jou familie.
Gerhardt du Preez.

Hugo

Hi Sonja

Het die insetsel oor Pasella rakende jou loopbaan en boek sommer baie geniet! Ook baie bly Harlekyn is nou uit op DVD.

Jy bly die "darling" van Afrikaanse musiek!

Groete
Hugo

jaco viviers

Liefste Sonja
Ek hoop ons sal jou weer hierdie jaar by Skouspel in Sun City sien , dit sal regtig lekker wees !
Mooi bly ;-)
Baie Liefde
Jaco xxx

Esme

Middag Sonja,
Het die artikel in Die Burger gelees oor die Het Gesticht Kerkie in die Paarl wat jy help red. Wil net se dankie. Daardie kerkie beteken vir my en my man verskriklik baie, want ons is 7 jaar terug in hom getroud. Dit is soos jy se daardie plek het net 'n ongelooflike atmosfeer en geskiedenis. Meeste van ons troufoto's is ook daar geneem. Weereens dankie en alles wat mooi is vir jou. Groete Esme

MERLEPECK

Sien uit daarna om jou boek te lees en na jou nuwe CD te luister. Merle x

Raymond Harry

Dear Sonja
What a great pleasure and privilege for me, to see and meet you again in East London, and what an inspiration you are to women and to men. I grow old but you remain for ever young and beautiful. The heavy rain and cold weather was not good for your sore throat. I hope you will get well soon and that we will have the joy of your next visit to East London soon.
Your fan
Raymond

Hannelie Horn

Liewe Sonja,
Wat 'n wonderlike voorreg om jou Saterdag (21 Mei) in Worcester te kon sien !!! Jy is die mooiste vrou - het nog niks verander sedert jou jong dae toe "Ek verlang na jou" en "Jantjie" elke dag oor en oor in die Spangenberg huishouding gespeel is nie. Jy was definitief ons no 1. Maar na soveel jare - ek het ook intussen ouer geword - is jy nog net so treffend, inteendeel, jou motivering en inspirasie doen wondere vir 'n vrou se siel. Baie dankie dat jy ook in elke vrou se hart en vrouwees werk met jou musiek, motivering en inspirasie. JY IS 'N PêRELVROU DUISEND !!!
Liefde Hannelie

Marinka

Hallo Sonja

Ek het bietjie hier kom in loer, en wil sommer hier vir jou dankie sê vir n wonderlike Saterdag oggend in die Strand. Dit was net wat ek nodig gehad het.

Gaan asb voort met dit wat jy doen en met ons as vrou deel. Dit val nie op dowwe ore nie.

Liefde
Marinka

alitavh

Hallo Sonja,
Ek het jou vertoning by Kempton Park Oos Gemeente bygewoon en jou boek en Reconstructing Alice gekoop. Ek was nog nooit 'n kranige leser nie maar jy het my aan die gang gekry. Na ek jou boek gelees het is dit asof ek honger is vir meer. Ek vind myself in die aande soek na leesstof wanneer my seuntjies slaap. Dis nou maar twee maande wat ek geskei is en die seer is nog groot. Maar ek glo jy was reg, hierdie gaan minder as 10 jaar neem. Ek het jou optrede net op die regte tyd gesien. Jy het alles wat ek in my gevoel het bevestig en my hoop gegee. As ma is ons so vinnig om die fout by onsself te soek omdat ons ons kinders perfek wil groot maak. Niemand moet 'n vinger kan wys en se ek het verkeerde keuse vir my kinders gemaak nie. Ek het jou van klein dogtertjie af geadmireer. Dis jou borrelende en energieke persoonlikhied, en vandag weet ek ook die sterk vrou wie jy is, wat my aandag gehou het. Ek kon nie glo toe ek die geleentheid kry om jou in lewende lywe te sien nie. Jy het absoluut elke verwagting vervul en oortref. As daar een spesifieke sin is wat ek elke dag nog herhaal van jou optrede is dit, moenie om jou probleme loop nie, loop deur hulle. Elke keer wat ek wil ompad loop herinner ek myself aan jou woorde en ek pak elke probleem met mening aan, met een doel in sig, om heel, sterker en met integriteit anderkant uit te stap. Dankie vir jou boodskap en die wyse wat jy ons Lewende God verheerlik met jou optredes. Ek kan nie wag om weer 'n vertoning by te woon nie. Ek hou jou kalender dop. Jy is pragtig en 'n groot inspirasie vir al ons vrouens. Mag jy liefde, voorspoed en genade in oorvloed ontvang.