News: 2009

13 Desember 2009
Op Saterdag 28 November 2009 is my pappie op die ouderdom van 84 oorlede aan kanker. Hy het skielik in September sleg begin voel, en nou-ja van daar af was dit net afdraande pad. Wat vir my so hartseer is, is dat hy so moedig probeer veg het en positief gebly het dwarsdeur die bestraling wat hom so siek gemaak het. lees meer >>

Ek gesels in die Vrouekeur van 27 November 2009 o.a. oor my nuwe album Pêrels. Hierdie is my eerste kommersiële cd in omterent tien jaar en ek is baie opgewonde daaroor. Pêrels gaan 'n dubbel cd wees.

Die eerste cd bestaan uit 9 nuwe oorspronklike liedjies, en die tweede cd 20 van my grootste treffers wat ek weer opgeneem het met verwerkings baie naby aan die oorspronklike. . .>>

Ek was aan die begin van die jaar genader om te hoor of ek sou belangstel om 'n rol te vertolk in die beplande musiekrolprent "Liefling".

My antwoord was "beslis ja". Ek sien baie uit na die geleentheid, verfilming begin in Januarie 2010, en dit lyk of die fliek teen die lente van 2010 sal begin draai.

Op Saterdag 28 November begin daar 'n nuwe musiekprogram op kykNET. Homebrew films het 'n reeks konserte by die Barnyard teater in Kaapstad verfilm. Die reeks word van 28 Nov - 20 Feb 2010 om 20:00 op Saterdae uitgesaai.

Op Saterdag 7 November bied ek my Hartklop van Vrouwees program by die nuwe DeStijl Hotel by die Gariepdam aan. Die hotel het 'n asemrownde uitsig oor die dam, en is verseker die ideale plek as jy rus en vrede en stilte soek. Kry gerus 'n paar vriendinne bymekaar en maak dit 'n naweekwegbreek.

23 September 09

Ja die lente is hier!!! Dis amper asof dit te gou is!
Dit is die teken van God se verbond met ons ou aarde - en daar is 'n afwagting - ook dat die reën moet kom - want die suifmeel in die lug help nie my sinus nie.

3 September 2009

Op 8 Oktober 2009 word die Roer episode waarop ek gekook het op kykNET uitgesaai.

Die NOOT vir NOOT program waarin ek sing word eers volgende jaar op 4 Februarie uitgesaai.

12 Augustus 2009
Ek het onlangs my jongste CD "She" bygewerk met 4 nuwe snitte op. Die She CD is hoofsaaklik die musikale klankbaan van my musiekmotiveringsprogram "die Hartklop van vrouwees".

31 Julie 2009
Saterdag 1 Aug (21:00) is ek weer 'n gas op die kyk NET TV program Glitterati. Ek was genooi om my opinie te gee oor Matthys Maree se Afri-Frans projek. . .

6 Julie 2009
Die grootste gedeelte van Junie was ek op toer aan die Weskus en Kaapstad met die aanbied van my musiekmotiveringsprogram "Die hartklop van vrouwees".

Dit was verfrissend om die mense op die platteland te kon ervaar en ek was oorweldig deur al hulle liefde en omgee by elkeen van die plekkies waar ek die program aangebied het. .