Gasteboek

Hi Sonja
Die foto's wat pas geplaas is van "Hits van die Sonjare" is fantasties en bring wonderlike herinneringe terug . Vir die wat nie weet nie, dit was aan die einde van daardie jaar aangewys as een van die 10 beste/top vertonings in Kaapstad.
Jou fan altyd
Wouter (Kaapstad)

Hi Sonja
Jou nuwe webblad is baie mooi, het my asem weggeslaan toe ek dit sien!!(Net so mooi en sag soos jy) Dankie vir jou vertoning hier by ons in Steelpoort, Limpopo. Almal kan nie uitgepraat raak oor die inspererende boodskap nie. Hou so aan. Ek is seker jou bring lig in baie dames se lewens. Sien jou weer!!!!! Jy is wonderlik!!
Liefies
Deirdre

Jou vertoning wat ek bygewoon het die 8ste November was ongelooflik, dit het my uitkyk op vrouwees heeltmaal verander. Jy is 'n wonderlike mens en 'n baie groot inspirasie. Baie dankie vir 'n wonderlike oggend. Ek wil beslis my dogter na een van jou vertonings neem, sy het dit nodig.
Lynette

JY IS NOG ALTYD 'N INSPIRASIE VIR ALMAL. ALTYD STRALEND EN VROLIK. EK WAS 'N KLEIN DOGTERTJIE TOE EK JOU VIR DIE EERSTE KEER GESIEN HET. EK HET MY VERKYK AAN JOU AS MENSWEES. PRAGTIG, EN ALTYD DIESELFDE. NOOIT HET ONS GEWEET WAT DIEP BINNE IN JOU LEWE AANGAAN NIE. KNAP GEDAAN,JY BEHOORT BAIE LEKKER TE VOEL EN SOOS ALTYD KOP HOOG TE LOOP. DANKIE VIR JOU BYDRAE OOR DIE JARE...!

Vandat ek kan onthou... is ek MAL oor jou.
Jou liedjies, persoonlikheid en vriendelike oop gesig het my al talle kere gelukkig en welkom/warm laat voel. Aangesien ek 'n 69-baby is, doen jy dit al vir 'n geruime tyd!
Dankie Sonja, jy maak 'n verskil in die wêreld.
Wendy

Hi Sonja, baie geluk met die nuwe baadjie. Dit pas jou 100%. Doen so voort.

Liefies
Coenie

Hi Sonja,
Ek hoop van harte dat jy hierdie boodskap sal lees. Ek is nou 19jaar oud en ek het grootgeword met jou musiek om my ore. My ma het my net nie 'n blaaskans gegun van die meisie van Nigel nie. Later jare het ek haar weer mal gemaak met 'n ou pienk langspeelplaat. Dit was jou grootste treffers plaat gewees, en ek het dit nog steeds. Nadat jy jou musiek begin "verander" het en ek die musiek video van winkel poppe gesien het, het ek ophou luister. Ek het net bly leef in jou ou treffers. Dit was vir my bekend, en dis waarin ek myself kon toevou. Ek wou nie hê jy moet verander nie. Die herhinderinge wat jou ouer liedjies gebring het was vir my net te kosbaar.
Na maande se wik en weeg het ek uiteindelik besluit om jou biografie te koop. Ek wou dit van die begin af hê, maar iets het net altyd voorgeval. Iets anders wat ek wou hê of iets anders wat aandag nodig gehad het. Tog is ek nou oneindig spyt dat ek nou eers die moeite gedoen het om dit te koop. Ek moes dit al lankal gekoop het, dit was alles wat ek op hierdie stadium in my lewe nodig gehad het.
Jy is voorwaar 'n inspirasie vir elke mens, nie net vir vroue nie. Ek het jou boek binne twee dae gelees. Ek kon dit eenvoudig net nie neersit nie. Elke woord het ek ingeslurp en in my geheue in gebrand. Jy was nie perfek soos wat ek jou al die jare gesien het nie, jy was en is 'n mens uit volle reg. 'n Ware vrou. Iemand na wie almal kan opkyk.
Na ek jou boek gelees het het ek jou Reconstructing Alice cd wat iemand so twee jaar vantevore as 'n geskenk vir my gegee het geluister. Ek het dit in twee jaar se tyd nie een maal geluister nie. Ek voel nou so skaam daaroor. Hierdie keer het ek gaan sit en dieper geluister as net die melodieë. Ek het gaan luister na die woorde en na die sielvolle manier waarop jy die liedjies sing. Ek kon nie met een fout vind nie. Jy het in sekere van die liedjies presies gesing oor dit wat ek voel en ervaar. Veral Vertigo en From David's Diary het my baie diep getref.
Ek het intussen beide die boek en cd vir my ma gegee om te lees en luister en ook sy kan nie daaroor uitgepraat raak nie. Ons beveel jou boek vir almal aan en al my vriende wil net winkel toe hardloop vir jou boek.
Mense misgis hulle, Sonja Herholdt sing nie vir die ouer gehoor nie. Sy sing vir elkeen wat bereid is om te luister. Wat wil weet hoe dit is om mens te wees.
Voor jou boek het my drome om 'n skrywer en sanger te wees gaan lê. My drome was verby. Ek het nie gedink ek sou dit ooit in my lewe regkry nie, maar jy het my laat opstaan. Ek het ewe skielik weer jy kleinseuntjie droom terug. My droom dat ek saam met Sonja Herholdt op die verhoog gaan staan en 'n duet saam met haar sing wat ek self geskryf het. Ek droom dit nou meer as ooit tevore en ek weet my wens sal nog waar word.
Sonja, baie dankie wat jy vir my beteken. Ek dink nie jy besef hoe groot impak jy op my lewe gehad het nie. EK het besef dat 'n loopbaan nie in my skoot gaan val nie en dat ek sal moet veg vir wat ek in die lewe wil hê. Vandat ek dit besef het begin alles vir my uitwerk. Dit gebeur dalk stadig, maar dit gebeur wel.
Weereens baie dankie vir alles en neem gerus weer 'n album op met die tipe liedjies soos op "Alice". Ek sal die eerste een wees om dit te koop en aan al my vriende te bemark.
Duisend dankies, en mooi bly!
Jaygé
P.S.: Geniet gerus wat jy doen, want jy doen dit beter as wat enige iemand kan. "Jy slaan 'n vuishou vir vrouwees... ek bedoel menswees!"

Sonja dit lyk baie goed! Ook al die foto's is regtig pragtig! Jy lyk ongelooflik goed! En wat vir my wonderlik is is dat dit lyk of jy goed doen met jou program en baie mense raak op die regte, eerlike, liefdevolle Sonja manier! Mooi so! Doen so voort! Ek wens jou baie seen en vreude toe! Lekker Kersfees hou en onthou om te rus!!!!!!!
Neeltjie Bower'+'degraaff@'+'it.'+'bw'+'');
//-->

www.grasslandlodge.com

Hallo Sonja
Jy is 'n groot inspirasie in my lewe. Baie geluk met jou nuwe webtuiste, dis ongelooflik besonders. Jy is van binne en uiterlik besonders pragtig. Ek bewonder jou al van kleins af. Wanneer het jy weer 'n optrede in Kaapstad? Sterkte met jou loopbaan.
Groete
Magda

Hi Sonja,
Hoekom is ek nie verbaas oor jou baie oulike nuwe website nie? Dis tog vanselfsprekend: Ur the best mam! Dit komplimenteer inderdaad die vele talente, gawes en vermoëns waarmee die Here jou so ryklik in oormaat geseën het. Mag jy altyd 'n bruikbare instrument tot eer van Sy Naam wees.
Seënbede.
Wouter.